Advertisement
ಹೊಸಪೇಟೆ: ಹಂಪಿ ವಿಜಯವಿಠಲ ದೇವಾಲಯಕ್ಕೆ (ತಳವಾರಘಟ್ಟ) ತೆರಳುವ ಮಾರ್ಗ ಮಧ್ಯದ ವಿಜಯನಗರ ಅರಸರ ಕಾಲದ ಪುರಾತನ ಪ್ರವೇಶದ್ವಾರ ಮಂಟಪಕ್ಕೆ ಟ್ರ್ಯಾಕ್ಟರ್ ಡಿಕ್ಕಿ ಹೊಡೆದ ಪರಿಣಾಮ ಸ್ಮಾರಕದ ಬೃಹತ್ ಕಲ್ಲು ಕಂಬಕ್ಕೆ ಹಾನಿಯಾದ ಘಟನೆ ನಡೆದಿದೆ.
ತಾಲೂಕಿನ ಕಮಲಾಪುರದಿಂದ ತಳವಾರಘಟ್ಟಕ್ಕೆ ತೆರಳುವ ಟ್ರ್ಯಾಕ್ಟರ್ ಡಿಕ್ಕಿ ಹೊಡೆದಿದ್ದು, ಸ್ಮಾರಕಕ್ಕೆ ಆಸರೆಯಾಗಿ ನಿಂತಿದ್ದ ಬೃಹತ್ ಕಂಬ ಸ್ಥಳದಿಂದ ಅರ್ಧಕ್ಕೂ ಹೆಚ್ಚು ಮುಂದೆ ಬಂದಿದೆ. ಸ್ಥಳಕ್ಕೆ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ ಅಧಿಕಾರಿಗಳು ಹಾಗೂ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
