‘ಕಾಂತಾರ’ ಸಿನಿಮಾ ನೋಡಿದ ನಂತರ ಕಮಲ್‌ ಹಾಸನ್‌, ರಿಷಬ್‌ಗೆ ಕರೆ ಮಾಡಿ, ಅವರ ಹೊಸ ಪ್ರಯತ್ನ ಮತ್ತು ಪ್ರಾದೇಶಿಕ ಕತೆಯನ್ನು ಪ್ಯಾನ್‌ ಇಂಡಿಯಾ ಮೆಚ್ಚಿದರ ಬಗ್ಗೆ ಮಾತನಾಡಿದ್ದರು ಇದೀಗ ಕಮಲ್‌ ಹಾಸನ್‌ ತಮಗೆ ಬರೆದಿರುವ ಪತ್ರವನ್ನು ರಿಷಬ್ ಶೆಟ್ಟಿ ರಿವೀಲ್‌ ಮಾಡಿದ್ದಾರೆ.
ಈ ರೀತಿಯ ಕಥೆ ಹೇಳುವಿಕೆ ನಮಗೆಲ್ಲಾ ಸ್ಫೂರ್ತಿ ಎಂದಿದ್ದರು. ಇದೀಗ ಕಮಲ್‌ ಹಾಸನ್‌, ರಿಷಬ್ ಶೆಟ್ಟಿ ಅವರಿಗೆ ಒಂದು ಪತ್ರ ಬರೆದಿದ್ದಾರೆ. ಫ್ರೇಮ್‌ ಹಾಕಿರುವ ಪತ್ರದ ಫೋಟೋವನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿರುವ ರಿಷಬ್ ಶೆಟ್ಟಿ, ”ಭಾರತೀಯ ಸಿನಿಮಾರಂಗದ ಲೆಜೆಂಡ್‌ ಕಮಲ್‌ ಹಾಸನ್‌ ಅವರಿಂದ ಈ ಪತ್ರ ಬಂದಿದೆ. ಕಮಲ್‌ ಸರ್‌ ಅವರಿಂದ ಈ ಸರ್‌ಪ್ರೈಸ್‌ ಗಿಫ್ಟ್‌ ಪಡೆದಿದ್ದಕ್ಕೆ ನನಗೆ ಬಹಳ ಸಂತೋಷವಾಗುತ್ತಿದೆ. ಈ ಅಮೂಲ್ಯ ಗಿಫ್ಟ್‌ಗಾಗಿ ಧನ್ಯವಾದಗಳು ಸರ್‌” ಎಂದು ರಿಷಬ್ ಶೆಟ್ಟಿ ಬರೆದುಕೊಂಡಿದ್ದಾರೆ.
ರಿಷಬ್ ಶೆಟ್ಟಿಗೆ ಬರೆದ ಪತ್ರದಲ್ಲಿ: ‘ಕಾಂತಾರ ನೋಡಿದ ದಿನವೇ ನಾನು ಈ ಪತ್ರ ಬರೆದೆ. ಕಾಂತಾರ, ನಮ್ಮ ಮನದಲ್ಲಿ ಅಚ್ಚಳಿಯದೆ ಉಳಿದಿದೆ. ಚಿತ್ರದ ಕೊನೆಯ ದೃಶ್ಯಗಳಂತೂ ಅದ್ಭುತ. ದೇವರು ತಾಯಿ ರೂಪದಲ್ಲಿ ಇಡೀ ಊರನ್ನು ಕಾಪಾಡುವ ದೃಶ್ಯ ಬಹಳ ಚೆನ್ನಾಗಿದೆ. ಎಂದು ಕಮಲ್‌ ಹಾಸನ್‌ ಪತ್ರದಲ್ಲಿ ಬರೆದಿದ್ದಾರೆ.
