Advertisement
ಮಂಡ್ಯ ನಗರ ಸೇರಿದಂತೆ ಜಿಲ್ಲೆಯಾದ್ಯಂತ ಭರ್ಜರಿ ಮಳೆಯಾಗಿದ್ದು, ಹಲವೆಡೆ ಹೆದ್ದಾರಿ ಜಲಾವೃತಗೊಂಡು ವಾಹನ ಸವಾರರು ಪರದಾಡಬೇಕಾಯಿತು.
ಸೋಮವಾರ ರಾತ್ರಿ ಹಾಗೂ ಮದ್ಯ ರಾತ್ರಿಯಿಡೀ ಸುರಿದ ಮಳೆಯಿಂದಾಗಿ ಹಲವೆಡೆ ಜಲಾವೃತಗೊಂಡು, ಮನೆಗಳಿಗೆ ನೀರು ನುಗ್ಗಿದ ಬಗ್ಗೆ ವರದಿಯಾಗಿದೆ.
ಮಂಡ್ಯ ನಗರದ ಚಾಮುಂಡೇಶ್ವರಿ (ಪೋಲೀಸ್ ಕಾಲೋನಿ) ರಸ್ತೆ ಜಲಾವೃತಗೊಂಡು ವಾಹನ ಸಂಚಾರಕ್ಕೆ ಅಡ್ಡಿಯುಂಟು ಮಾಡಿತ್ತು.
ಜೊತೆಗೆ ಶ್ರೀರಂಗಪಟ್ಟಣ ಚೆಕ್ಕ ಪೋಸ್ಟ್ ಬಳಿಯ ಬೆಂಗಳೂರು- ಮೈಸೂರು ಹೆದ್ದಾರಿಯೂ ಸಹ ಜಲಾವೃತಗೊಂಡು, ಹೆದ್ದಾರಿ ನಾಲೆಯಂತಾಗಿ ವಾಹನ ಚಲಿಸಲು ವಾಹನ ಸವಾರರು ಹರ ಸಾಹಸ ಪಡಬೇಕಾಯಿತು.
ಇಲ್ಲಿನ ಪಕ್ಕದ ಲಾಡ್ಜ್ ಗೂ ಸಹ ನೀರು ನುಗ್ಗಿದ್ದು, ನಿವಾಸಿಗಳು ಹಾಗೂ ವಾಹನ ಸವಾರರು ಹೈರಾಣಾದರು.
