Advertisement
ಮಂಗಳೂರು: ಉಡುಪಿ ಜಿಲ್ಲೆ ಮಲ್ಪೆಯಿಂದ ಮೀನುಗಾರಿಕೆಗೆ ತೆರಳಿದ್ದ ಬೋಟ್‌ಗೆ ಬರೋಬ್ಬರಿ ೨೦೦ ಕೆಜಿಗೂ ಅಧಿಕ ತೂಕ ತೂಗುವ ಮೀನೊಂದು ಬಿದ್ದಿದೆ.
ಶಾಂಭವಿ ಹೆಸರಿನ ಬೋಟ್ ಆಳ ಸಮುದ್ರದಲ್ಲಿ ಮೀನುಗಾರಿಕೆ ಮಾಡುವಾಗ ಈ ದೈತ್ಯ ಮೀನು ಸೆರೆ ಸಿಕ್ಕಿದೆ. ಸ್ಥಳೀಯವಾಗಿ ಈ ಮೀನಿಗೆ ‘ಕಟ್ಟೆ ಕೊಂಬು’ ಮೀನು ಎಂದು ಕರೆಯಲಾಗುತ್ತಿದ್ದು, ಕೆಜಿಗೆ ಸುಮಾರು ೨೫೦ ರೂ. ನಷ್ಟು ಬೆಲೆ ಇದೆ. ಈ ಜಾತಿಯ ಸಣ್ಣ ಮೀನಿಗೆ ಇರುವಷ್ಟು ಬೆಲೆ ದೊಡ್ಡ ಮೀನಿಗೆ ಇಲ್ಲ ಎನ್ನಲಾಗಿದೆ. ಆದರೆ ಈ ದೈತ್ಯ ಮೀನನ್ನು ಕ್ರೇನ್ ಮೂಲಕ ವಿಲೇವಾರಿ ಮಾಡಿದ್ದು ಮಲ್ಪೆಯಲ್ಲಿ ಸೇರಿದ್ದ ಮತ್ಸ್ಯ ಪ್ರಿಯರ ಗಮನ ಸೆಳೆಯಿತು.
ಸದ್ಯ ಕ್ರೇನ್ ಮೂಲಕ ಬೋಟ್‌ನಿಂದ ಹೊರತೆಗೆದ ಈ ಮೀನಿನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.
