Advertisement
ಕೋಲಾರ: ಸಂಜೀವಿನಿ ಸ್ಟೋನ್ ಕ್ರಷರ್‌ನಲ್ಲಿ ಸ್ಫೋಟಕ ಸಿಡಿದು ಕಾರ್ಮಿಕ ಸಾವನ್ನಪ್ಪಿದ ಘಟನೆ ಜಿಲ್ಲೆಯ ಮಾಲೂರು ತಾಲೂಕಿನ ಕೊಮ್ಮನಹಳ್ಳಿ ಗ್ರಾಮದಲ್ಲಿ ನಡೆದಿದೆ.
ಬಿಹಾರ ಮೂಲದ ರಾಕೇಶ್ ಸಾಣಿ(34) ಎಂಬಾತ ಸಾವನ್ನಪ್ಪಿದ ಕಾರ್ಮಿಕ, ಗುರುವಾರ ರಾತ್ರಿ ಘಟನೆ ನಡೆದಿದ್ದು, ರಸ್ತೆ ಅಪಘಾತದಲ್ಲಿ ಕಾರ್ಮಿಕ ಸಾವು ಎಂದು ಎಫ್‌ಐಆರ್‌ ದಾಖಲು ಮಾಡಿ ರಾತ್ರೋ ರಾತ್ರಿ ಪ್ರಕರಣ ಮುಚ್ಚಿಹಾಕಲು ಯತ್ನಿಸಲಾಗಿದೆ ಎಂದು ಎನ್ನಲಾಗಿದೆ.
ಸರಿಯಾಗಿ ಪರಿಶೀಲಿಸಿ ಎಫ್‌ಐಆರ್‌ ಬದಲು ಮಾಡುವಂತೆ ಮಾಸ್ತಿ ಪೊಲೀಸರಿಗೆ ಕೋಲಾರ ಎಸ್ಪಿ ಸೂಚನೆ ನೀಡಿದ್ದು, ಸ್ಥಳಕ್ಕೆ ಡಿವೈಎಸ್ಪಿ ಮುರಳೀಧರ್ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಮಾಲೂರು ಶಾಸಕ ನಂಜೇಗೌಡ ಕ್ರಶರ್ ನಿರ್ವಹಣೆ ಮಾಡುತ್ತಿದ್ದಾರೆ. ಈ ಕುರಿತಂತೆ ಮಾಸ್ತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು.
