ಹುಬ್ಬಳ್ಳಿ: ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿಯವರು ಏನನ್ನೇ ಟೀಕಿಸಲಿ ಅದಕ್ಕೆ ಅಡಿಪಾಯವಿರಬೇಕು. ಅದನ್ನು ಬಿಟ್ಟು ಅವರು ಹಿಟ್ ಆ್ಯಂಡ್ ರನ್ ಮಾಡುತ್ತಾರೆ. ಅವರ ಟೀಕೆಗೆ ಮಹತ್ವವಿರುವುದಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಜಗದೀಶ ಶೆಟ್ಟರ್ ಹೇಳಿದರು.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಈ ಹಿಂದೆ ಕುಮಾರಸ್ವಾಮಿಯವರು ಟೀಕೆ ಮಾಡಿದ ಪೆನ್‌ಡ್ರೈವ್ ವಿಚಾರದಲ್ಲೂ ಇದೇ ಆಗಿದೆ. ಪೆನ್‌ಡ್ರೈವ್ ವಿಚಾರದಲ್ಲಿ ಯಾವುದೇ ಉಪಯೋಗ ಕುಮಾರಸ್ವಾಮಿಯವರಿಗೆ ಆಗಲಿಲ್ಲ. ಕುಮಾರಸ್ವಾಮಿಯವರ ಬೇಸ್ ಲೆಸ್ ಟೀಕೆಗಳು ಕೇವಲ ಮಾಧ್ಯಮಗಳಲ್ಲಿ ಚರ್ಚೆಯಾಗುತ್ತವೆಯೇ ಹೊರತು, ವಾಸ್ತವಿಕವಾಗಿ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದರು.
ಬಿಜೆಪಿಯವರು ಈವರೆಗೂ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ಹೆಸರನ್ನು ಹೇಳುವುದೇ ಆಗಿದೆಯೇ ಹೊರತು ಅಧಿಕೃತ ಅಧ್ಯಕ್ಷರ ಹೆಸರು ಘೋಷಣೆ ಮಾಡಿಲ್ಲ. ಇದೀಗ ಶೋಭಾ ಕರಂದ್ಲಾಜೆ ಅಧ್ಯಕ್ಷರಾಗುತ್ತಾರೆ ಎಂದು ಅವರ ಹೆಸರನ್ನು ಹೇಳುತ್ತಿದ್ದಾರೆ. ಇದಕ್ಕೆ ಯಾವುದೇ ಅರ್ಥ ಇಲ್ಲ. ಒಂದು ರಾಷ್ಟ್ರೀಯ ಪಕ್ಷ ಫೇಲ್ಯೂರ್ ಆಗಿದೆ ಎನ್ನುವ ಉದಾಹರಣೆ ಇದ್ದರೆ, ಅದಕ್ಕೆ ರಾಜ್ಯ ಬಿಜೆಪಿ ಉದಾಹರಣೆ ಎಂದರು.
