ನವದೆಹಲಿ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಮತ್ತೊಂದು ಮಹತ್ವದ ಮೈಲಿಗಲ್ಲಿಗೆ ಮುನ್ನುಡಿ ಬರೆದಿದೆ. ಮೊದಲ ಉಡಾವಣೆಯಲ್ಲಿ ವಿಫಲವಾದ ನಂತರ ಈಗ ಹಲವು ಮಹತ್ವದ ಮಾರ್ಪಾಡುಗಳನ್ನು ಇಸ್ರೋ ಈ ಕಾರ್ಯಾಚರಣೆಯಲ್ಲಿ ಮಾಡಿದ್ದು, ಯಶಸ್ವಿ ಉಡಾವಣೆಗೆ ಪೂರ್ತಿಯಾಗಿ ಸಜ್ಜಾಗಿದೆ. ಇಸ್ರೋ ಇಂದು ಬೆಳಿಗ್ಗೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಉಡಾವಣೆ ಮಾಡಿದ ಎಸ್‍ಎಸ್‍ಎಲ್‍ವಿ-ಡಿ2 ರಾಕೆಟ್ ಕೆಲವೆ ಕ್ಷಣಗಳಲ್ಲಿ ಮೂರು ಉಪಗ್ರಹಗಳನ್ನು ನಿಗಧಿತ ಕಕ್ಷೆಗೆ ಸೇರಿಸುವಲ್ಲಿ ಯಶಸ್ವಿಯಾಗಿದೆ.
ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ಮೊದಲ ಉಡಾವಣಾ ಕೇಂದ್ರದಿಂದ ಉಡಾವಣೆಯಾದ ಎಸ್‍ಎಸ್‍ಎಲ್‍ವಿ-ಡಿ2 ರಾಕೆಟ್ ಮೂರು ಉಪಗ್ರಹಗಳೊಂದಿಗೆ ಆಕಾಶಕ್ಕೆ ಹಾರಿತು, ಇದರಲ್ಲಿ ಭಾರತದಾದ್ಯಂತದ 750 ವಿದ್ಯಾರ್ಥಿನಿಯರು ಅಭಿವೃದ್ಧಿಪಡಿಸಿದ ಉಪಗ್ರಹವು ಬೆಳಿಗ್ಗೆ 9:18 ಕ್ಕೆ ಮತ್ತು ಅದರ 15 ನಿಮಿಷದ ಅವಧಿಯಲ್ಲಿ ಅವುಗಳನ್ನು 450 ಕಿಮೀ ದೂರದ ಕಕ್ಷೆಗೆ ಸೇರಿಸಿತು.
ಮಿಷನ್ ಯಶಸ್ವಿಯಾಗಿ ನೆರವೇರಿದೆ. ಇಓಎಸ್ -07, ಜನೂಸ್-1, ಮತ್ತು ಆಜಾದಿಸ್ಯಾಟ್ -2 ಉಪಗ್ರಹಗಳನ್ನು ಉದ್ದೇಶಿತ ಕಕ್ಷೆಗಳಲ್ಲಿ ಇರಿಸಿದೆ ಎಂದು ಬಾಹ್ಯಾಕಾಶ ಸಂಸ್ಥೆ ತನ್ನ ಅಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.
ಕಕ್ಷೆಗೆ ಸೇರಿಸಲಾದ ಮೂರು ಉಪಗ್ರಹಗಳೆಂದರೆ ಇಸ್ರೋದ ಇಒಎಸ್ -07, ಯುಎಸ್ ಮೂಲದ ಸಂಸ್ಥೆ ಆಂಟಾರಿಸ್‍ನ ಜಾನಸ್ -1 ಮತ್ತು ಚೆನ್ನೈ ಮೂಲದ ಸ್ಪೇಸ್‍ಕಿಡ್ಜ್‍ನ ಆಜಾದಿಸ್ಯಾಟ್-2 ಆಗಿವೆ.
